Семінар-трэнінг па напісанні праектных заявак на атрыманне гранта ў рамках праекта «Разам для грамады і прыроды: узмацненне працэсу развіцця ў Мёрскім раёне праз супрацоўніцтва мясцовай улады і грамадзянскай супольнасці»

Кіраўнік музейнага аб’яднання Вітаўт Ермалёнак і бібліятэкар школы Дзіяна Варона  прынялі ўдзел у семінары-трэнінгу па напісанні праектных заявак на атрыманне гранта ў рамках праекта “Разам для грамады і прыроды: узмацненне працэсу развіцця ў Мёрскім раёне праз супрацоўніцтва мясцовай улады і грамадзянскай супольнасці”.  Гэты праект рэалізуецца пры фінансавай падтрымцы Еўрапейскага Саюза. З асноўнымі тлумачэннямі  па напісанні праекта выступіла Марыя Барысава, якая мае вялікі досвед у паспяховым напісанні праектаў. Потым адбылася праца ў малых групах па абмеркаванні мэтаў, задач, мерапрыемстваў і чаканых вынікаў ад паспяховага здзяйснення праекта. Напрыканцы адбыліся індывідуальныя кансультацыі па напісанні асобных праектаў. Рэй на семінару  –трэнінгу вяла мэнэджар праекта Надзея Дударонак.